انا كل ما روح دبي وادخل مولاتها احس بغربه والعيال يصرون يروحون دبي كثر ما يسمعون عنها المهم ادخل المول احاول ادخل العيال الألعاب يطالعك الهندي بنظره يعني لازم اخلي المكان لعياله --- واتسوق شوي وامل لأن من في المحلات اجانب والعامل الي في المحل لا يكترث بك وعيني عالساعه حتى ارجع للبيت
المشكله كان هذا احساسي من قبل كنت اقول بوظبي غير الحين ادخل مولات بوظبي ادور يمين يسار عن مواطنين اشوف الدنيا اجانب يتشروون ويتسوقون
حتى كارفور ما الاقي فيه مواطنين وينهم
قلت في نفسي يمكن الأسر المواطنة تحب تتشرى من الجمعيات ،دخلت الجمعية كل ما الف ياهندي او فلبينية .. شو هالحاله
اول لما نروح السوق لا بد انا نشوف يا معلمتنا في المدرسة او ربايعنا الحين ابد غير الهندي ما تشوف
قررت اني اسوي قائمة لأغراض البيت واعطيها للبشكاره واوصيها والرتاح ولا مجابلة هالأجانب والي يطالعك بطرف عينه كأنه يقو لك شو جايبك هني .
ما شي مثل البحر رحت للبحر ولا الاقي شلة وافدين من جميع الجنسيات حتى الأسيوية
الي يشوي والي يصيد قعده شكلها صباحي .
ولا يسألنا الفلبيني عن مكانا متى بنروح وبنخليه له
مكان جميل جدا في ابوظبي مجابل استاد محمد بن زايد ما تشوف فيه اللبس العاري والإستلقاء على الشاطيء يعني مكان عوائل محترم بس وين ما تصد وافدين وهنود وفلبينين .
قلنا البر الحل الوحيد وفي اجازة الربيع اخذت العيال للإمارات الشماليه اهون شوي البر وبعد الهنود متواجدين في البر شو القصة هذا إن دل على شيء الإ على كثرة تواجدهم في الدوله
واستمتاعهم بجميع المرافق وانتي يالأسر المواطنة لمي عيالج وبناتج وقعديهم في البيت أو اقضي الإجازة بالزيارات العائلية يعني من بيت لبيت .
والله المستعان