يا شباب مبارح انعزمتو على مشية زلم مشان ربيعي وحبيتو اسولفلكم شكون صار بالمشية لاني اتمنيتو يكون اب

بسم الله الرحمن الرحيم

مشية زلم

يا شباب مبارح انعزمتو على مشية زلم مشان ربيعي وحبيتو اسولفلكم شكون صار بالمشية
لاني اتمنيتو يكون ابو مرتي مثل ابو البنية واتمنيتو كل الزلم بالدير ترجع تصير زل مثل اولي
اول شي راح احطلكم مواصفات الشب والبنية
الشب
ديري ابن اصل عمرو 28 وحلو ومرتب ومخلص معهد صناعي ويشتغل بشركة خاصة وراتبو بحدود 25 الف ورقة اخلاقو عالية بحيل ومحترم وزلمة يعجبكم وكل الناس تحبو واهلو ناس مستورين الحال

البنية
حلوة بحيل معرف بمين أشبها بس عن جد تقلب المخ
اقسم بربي ما شفتو بجمالها بحيل وميل حلوة والله حلوة حلوة حلوة يعني تقدرون تقولون ملاك وتقدرن تقولون اية من الجمال
ول المي ينشاف بحلقها لما تشربو ول بحيل وميل حلوة وشقد ما اسولف ما رح اعرف اوصفها لاني عن جد ضعيف بالتعبير
طبعاً متحدثة لبقه من الطراز الرفيع تذهلك بكم المعلومات واعية وفهمانة تحس بالوقار الثقل العقل المهم
تدرس طب ناجحة عالسنة الثانية واهلها ناس مرتبين
ابوها دكتور درس وعاش بانكلترا وعمامها وخوالها من العشاير الزينة بالدير والبنية ينضرب بيها المثل بالادب والحشمة وحتى القرآن حافظة جثير منو وما تقطع صلاة خيو شبدكم عن جد شي فوق الخيال


نجي عادين على مشية الزلم
راح اختصر. رحنا عليهم ولما فتنا عالبيت اهلها يعني استقبلونا الجماعة وقعدنا وبعد الضيافات
وسوالف المرحبة يا جماعة
طلبنا ايد البنية للجيزة وسألناهم شكون يترتب علينا مقدم و مؤخر وغيرو
اسمعو ابوها شكون قال اسمعو زين
جلس حالو ورفع نبرت صوتو وقال :
هالأب الزين المرتب بنتنا مو تجارة واحنا عطيناكم البنية عطية
وما بدنا منكم شي والمقدم (عشر ورقات) والمؤخر (عشر ورقات)
وما بدنا ذهب ولا جهاز ولا حفلة ولا بدلة ولا عرس ولا تكاليف ولا أي شي خذو البنية وانتم اعملو مثل ما بدكم لانو صارت بنتكم و انا ما احب تتدخل النسوان والكلام الي حجيتوه هو الي صير لا تقلولي مقدم ولا مؤخر اعملو على كيفكم لانها صارت بنتكم
وقال انو احنا وافقنا عبنو ابنكم اخلاقو عالية
وشب كدع وانا يعجبني هيجذ شباب واكيد بنتي رح تكون مبسوطة
وهذا الي اريدو من الدنيا انو تكون بنتي مبسوطة لما تطلع من بيتي لبيت جوزها


يا شباب
انا كتبتو هذا الموضوع من قهري من الشي القعد يصير بالدير اروح اتقدم لبنية
( احبها )
وتحبني
ينطنط ابوها على طيـ **
ويقعد يتطلب ويتشرط وقال بيتك لسا ما جهز
ووظيفتك خاصة ما نعرف مصيرها ويريد مقدم بقد ميزانية الدولة ومؤخر بقد ثروة warren buffett
ويريد ابن هالستميت كلاش ذهب وقصب ويريد حفلة وعرس
بفرات الشام
وقعد يسولفلي بالعربي الفصحى ويكثر تنوين
، وبالنسبة ، بما انه ، حيثما ، باعتقادي ،
تا عالاساس مثقف ويفهم وعملي حالو دان براون
وهو مو دريان انو نص السوالف تبعو ماسونية وهو مو دريان
اكيد ما يدري عبنو يقرا الكتاب ويخلصو وبعدين يشوف منو الكاتب
قعد يحجي عن التلوث الضوضائي ونص كلامو غلط بغلط
بس انا تيركو بس تا اجوز بنتو وبعدين لكل حادث حديث
والله والله والله الا امسح بي الارض عيملي حالو مثقف
وهو حصان الثقافة
والمشكلة انو البنت تقلي طول بالك حبيبي لا ترد لما بدو يحكي شي
ما بدي تحتدو الله يوفأك ما بدنا تتخانأو من اولها
المشكلة انو هو يعرف زين انو ميسكني من ايدي المكسورة
بس آخر شي راح ولا بلاها عيب
ول والله مو دريان الله وين حيطو وكثر بحيل سالفة انا و انا وانا
تا عالاساس قرنة وداير وفوق كل هذا يرجع يقلي احنا مو بعينا شي ونريد شب خلوق
وتصدقون انا بعدها حطيتو صورة ابوها التافه الامعة السطحي على كيس الملاكمة تا ابرد قلبي بيه كل يوم الصبح قبل ما اطلع على دوامي
ول ادري يا جماعة شكون اروح ابوق تا يكيف ابوها
ابن هالكـلـ*
ولا شكون اعمل بحالي حسبي الله عليك يا ابوها
يا جماعة بس فكرو منطقيا
يصير الي قعد يقولو ابوها ولسا ما سمعتو طلبات امها المبهبزة
لانو لو مو مبهبزة ما اخذت جوزها المبهبز الطس ترى احنا كلنا ناس بسيطين ومستورين بس بي ناس ما تدور الستر يدورون البهبزة والكذب والبرم يدورون مقدم ومؤخر وذهب وكانو الشغلة مثل ما قال الزلمة تجارة
ول شكون تنفعها المصاري اذا اكون بدون اخلاق او اخونها او معذبها او حقير او بخيل او او او
احنا صيرين بهاي الايام شكون موبايلك وشكون دخانك وشكون اشتريت وايمت نصيف باللاذقية
ونشتري سيارة قسوط وما عدنا حق البانزين ولا القسط بس تا نصفها قدام البيت انو عندنا سيارة
وا عجبي اي والله وا عجبي
على هالوضع الي وصلنالو من ورا الكذب وشوفة الحال والمظاهر والقشور
صاير واحدنا مثل النفاخة بس منظر وبدبوس يفش
وآخر شي بس اريدكم تتذكرون كلام رب العالمين

( بسم الله الرحمن الرحيم)

ولا تمش في الأرض مرحاً إنك لن تخرق الأرض ولن تبلغ الجبال طولاً
* كل ذلك كان سيئه عند ربك مكروهاً *
"صدق الله العظيم"

موضوع في قمة الخيااال

طرحت فابدعت

دمت ودام عطائك

ودائما بأنتظار جديدك الشيق

لك خالص حبي وأشواقي

طرح رائع

لا تحرمنا من ابداعاتك

يسلمووو